Donat e egna vischnànca moderna cun egna administraziùn professiunala. Quella e localisada an la canzleia communala an la fracziun da Farden.
Donat e egna vischnànca cun funcziun da center par la muntogna da Schons. A Donat vean manada la sula scola primara sutsilvana. L'infrastructura da la scola cun la sala polivalenta a cun la granda plaza da scola vean ear nizigeada par evenimaints da sport a da cultura.
Donat porscha egna bùna infrastrucura par igls abitants. Posta, scola, ustreia, turissem agricol a manaschis da mastargnanza en datgea a Donat.
Donat e egn vigl center cultural, gea avant 2000 onns steva glieud digl tains da brunz tar nus. Sper la punt renumnada da Maillard vean infurmo ear surda quel fatg.
Donat e amiez igl grischùn central, me gest 15' davenda igl center regiunal Tusàn, me gest 30' davendigl center cantunal Cuira.
Donat porscha taratsch da biagear favurevel par famiglias ca lessan star an la nossa vischnànca.
